ವಿಕಲಚೇತನ ವ್ಯಕ್ತಿಗಳನ್ನು ಸಬಲೀಕರಣ ಗೊಳಿಸುವತ್ತ ಆಂದೋಲನವು ಬೆಳೆಯುತ್ತದೆ.ವಿಕಲಚೇತನರ ಕೌಶಲ್ಯ ಮತ್ತು ದೃಷ್ಟಿಕೋನಗಳನ್ನು ಅಭಿವೃದ್ಧಿಪಡಿಸಲು ಉದ್ಯಮಶೀಲತೆಯು ಒಳಗೊಂಡಿದೆ.ಅಂತೆಯೇ ಉದ್ಯಮಶೀಲತೆಯು ವಿಕಲಚೇತನರು ಸ್ವಂತ ಹಣೆಬರಹದ ಮೇಲೆ ಹಿಡಿತ ಸಾಧಿಸಲು ಮತ್ತು ಅವರ ಆಸಕ್ತಿಯ ಮೌಲ್ಯಗಳನ್ನು ರಚಿಸಿಕೊಳ್ಳಲು ಅವಕಾಶ ನೀಡುತ್ತದೆ.ಅದರಲ್ಲಿ ಡೀಲ್ ಫೌಂಡೇಶನ್ ಸಂಸ್ಥೆ ಎಂಬ ಉದ್ಯಮಶೀಲತೆಯು ವಿಕಲಚೇತನರಿಗೆ ಅವರ ಅಗತ್ಯಗಳನ್ನು ತರಬೇತಿಗಳ ಮೂಲಕ ಒದಗಿಸಿ ಅವರ ಕೌಶಲ್ಯ ಮತ್ತು ಪ್ರತಿಭೆಯನ್ನು ಬಳಸಿಕೊಂಡು ವಿಕಲಚೇತನರು ಈ ಸಮಾಜದಲ್ಲಿ ಗುರುತಿಸಿಕೊಳ್ಳುವಂತೆ ಮಾಡುತ್ತಿದ್ದಾರೆ.
ವಿಕಲಚೇತನತೆಯನ್ನು ಗುರುತಿಸಿ ಅವರಿಗಾಗಿ ಸಮುದಾಯ ಅಭಿವೃದ್ಧಿ,ಕೃಷಿ ವ್ಯವಸ್ಥೆ,ಕೃಷಿ ಉತ್ಪನ್ನಗಳು, ಅನೇಕ ಗೃಹ ತಯಾರಿಕೆಯ ತರಬೇತಿಗಳನ್ನು ಒದಗಿಸುವುದರ ಮೂಲಕ ಡೀಲ್ ಫೌಂಡೇಶನ್ ಸಂಸ್ಥೆಯು ಪ್ರತಿ ತಾಲೂಕಿನಲ್ಲಿ ವಿಕಲಚೇತನರನ್ನು ಸ್ವಾವಲಂಬನೆಯ ಬದುಕಿಗಾಗಿ ಬಲವರ್ಧನೆಯನ್ನು ನೀಡುತ್ತಿದೆ.ಇದರಿಂದ ಪ್ರೇರಿತಗೊಂಡು ವಿಕಲಚೇತನರು ಆಸಕ್ತಿ ವಹಿಸಿ ಮುಂದೆ ಬಂದು ಸ್ವಯಂ ಉದ್ಯೋಗದಲ್ಲಿ ತೊಡಗಿಸಿಕೊಂಡು ಉದ್ಯೋಗ ಆರಂಭಿಸಿಕೊಂಡು ಈ ಸಮಾಜದಲ್ಲಿ ವಿಕಲಚೇತನರಿಗೆ ಅವಕಾಶ ಸಿಕ್ಕರೆ ಏನನ್ನಾದರೂ ಮಾಡಬಹುದು ಎಂದು ಉದಾಹರಣೆಯಾಗಿ ಗುರುತಿಸಿಕೊಂಡಿದ್ದಾರೆ. ಅದರಲ್ಲಿ ಶೋಭಾ ಕಮತದ ಇವರು ಕೂಡ ಒಬ್ಬರು.
ಇವರ ಬಗ್ಗೆ ನೋಡುವುದಾದರೆ ಇವರ ಮೂಲತಃ ಲಕ್ಷ್ಮೇಶ್ವರ ತಾಲೂಕಿನವರು.ತಂದೆ ಬಸಪ್ಪ ತಾಯಿ ನಾಗಮ್ಮ.ಇವರಿಗೆ ಮೂರು ಜನ ಸಹೋದರರೊಂದಿಗೆ ಅವಿಭಕ್ತ ಕುಟುಂಬದಿಂದ ಕೂಡಿತ್ತು. ಇವರ ಬಾಲ್ಯದ ಜೀವನವು ಕುಟುಂಬದಲ್ಲಿ ಖುಷಿಯಿಂದ ಕೂಡಿತ್ತು.ಇವರ ಮೊದಲ ಹೆಣ್ಣು ಮಗಳಾಗಿದ್ದರು.ಶೋಭಾ ಅವರು ಹುಟ್ಟಿನಿಂದ ವಿಕಲಚೇತನರಾಗಿರಲಿಲ್ಲ ಮದುವೆ ಆದಮೇಲೆ ವಿಕಲ ಚೇತನತೆ ಯನ್ನು ಹೊಂದಿದ್ದಾರೆ.ತಂದೆ ತಾಯಿ ಎಲ್ಲ ಮಕ್ಕಳಿಗೆ ವಿದ್ಯಾಭ್ಯಾಸ ನೀಡಿದರು.ಶೋಭಾ ಅವರು 10ನೇ ತರಗತಿಯವರೆಗೆ ಸರ್ಕಾರಿ ಶಾಲೆಯಲ್ಲಿ ವಿದ್ಯಾಭ್ಯಾಸ ಮಾಡಿದರು. ನಂತರ ತಮ್ಮ ತಮ್ಮಂದಿರಿಗೆ ಶಿಕ್ಷಣ ಕೊಡಿಸಬೇಕು ಎಂಬ ಮನದಾಸೆ ಇವರದಾಗಿತ್ತು. ಅದಕ್ಕಾಗಿ ತಾವು ತಂದೆ ತಾಯಿಯೊಂದಿಗೆ ಕೂಲಿ ಕೆಲಸ ಮಾಡಲು ಆರಂಭಿಸಿ ಕುಟುಂಬವನ್ನು ನಡೆಸುತ್ತಾ ತಮ್ಮ ತಮ್ಮಂದಿರಿಗೆ ವಿದ್ಯಾಭ್ಯಾಸ ಕೊಡಿಸಿದರು.
ನಂತರ ತಮ್ಮಂದಿರಿಗೆ ಒಂದು ಹಂತದವರೆಗೆ ವಿದ್ಯಾಭ್ಯಾಸ ಕೊಡಿಸಿದರು. ತಂದೆ ತಾಯಿಯು ಮಗಳಿಗೆ ಮದುವೆ ಮಾಡಬೇಕು ಎಂದು ತೀರ್ಮಾನಿಸಿದರು.ಶೋಭಾ ಅವರನ್ನು ದೂರದ ಊರಿಗೆ ಕಲಿಸಲು ತಂದೆ ತಾಯಿಗೆ ಇಷ್ಟ ಇರಲಿಲ್ಲ ಅದಕ್ಕಾಗಿ ಲಕ್ಷ್ಮೇಶ್ವರ ದಲ್ಲಿ ಮದುವೆ ಮಾಡಿ ಕೊಟ್ಟರು.ಮದುವೆ ಆದ ನಂತರ ಇವರ ಜೀವನ ಖುಷಿಯಾಗಿತ್ತು.ಇವರಿಗೆ ಒಂದು ಗಂಡು ಕೂಡ ಆಯಿತು. ಶೋಭಾ ಅವರು ಹೆಚ್ಚಿನ ವಿದ್ಯಾಭ್ಯಾಸ ಮಾಡುವ ಆಸಕ್ತಿ ಇತ್ತು.ಆದರೆ ಮನೆಯಲ್ಲಿ ಬಡತನ ವಿದ್ದರಿಂದ ಅವರು ವಿದ್ಯಾಭ್ಯಾಸವನ್ನು ಮುಂದುವರೆಸಲು ಆಗಲಿಲ್ಲ. ಆ ಒಂದು ಮನದಾಸೆಯನ್ನು ತಮ್ಮ ಮಗನ ಮೂಲಕ ಪೂರೈಸಿಕೊಳ್ಳಲು ಆಸಕ್ತಿಯನ್ನು ಹೊಂದಿದ್ದರು. ಅದಕ್ಕಾಗಿ ತಮ್ಮ ಮಗನಿಗೆ ಹೆಚ್ಚಿನ ವಿದ್ಯಾಭ್ಯಾಸ ಕೊಡಿಸಬೇಕು ಎಂದು ತಾವು ಕೂಲಿ ಕೆಲಸವನ್ನು ಆರಂಭಿಸಿದರು.
ಹೀಗೆ ದಿನಗೂಲಿ ಕೆಲಸ ಮಾಡುತ್ತ ಇವರ ಜೀವನ ಸಾಗುತ್ತಿತ್ತು.ಒಂದು ದಿನ ಇವರು ಕೆಲಸಕ್ಕೆ ಹೋಗುತ್ತಿರುವಾಗ ಕೆಳಗೆ ಬಿದ್ದು ಇವರ ಒಂದು ಕೈಗೆ ಪೆಟ್ಟಾಯಿತು.ಅಲ್ಲಿನ ಜನರು ಇವರನ್ನು ಆಸ್ಪತ್ರೆಗೆ ಸೇರಿಸಿದರು.ಇವರ ಕುಟುಂಬಕ್ಕೆ ಇದು ಆಗಾತವಾಯಿತು.ತಂದೆ ತಾಯಿ ಮತ್ತು ಗಂಡ,ಮಗುವು ಆತಂಕಕ್ಕೆ ಒಳಗಾದರು.ಚಿಕಿತ್ಸೆಯನ್ನು ಪಡೆದುಕೊಂಡು ಕ್ರಮೇಣವಾಗಿ ಇವರ ಚೇತರಿಸಿಕೊಂಡು ಜೀವನ ಸಾಗಿಸುತ್ತಿದ್ದರು. ಮನೆಯಲ್ಲಿ ಹೀಗೆ ಕುಳಿತರೆ ಜೀವನ ನಡೆಯುವುದಿಲ್ಲ ಏನಾದರೂ ಮಾಡಬೇಕು ಎಂದು ಯೋಚಿಸುತ್ತಿರುವಾಗ ಡೀಲ್ ಫೌಂಡೇಶನ್ ಸಂಸ್ಥೆಯ ಲವ್ಲಿ ವುಡ್ ಆಫೀಸರ ರಾದ ದೀಪಾ ಗೋಕಾವಿ ಇವರು ಲಕ್ಷ್ಮೇಶ್ವರ ಗ್ರಾಮಕ್ಕೆ ಭೇಟಿ ನೀಡಿ ಅಲ್ಲಿನ ವಿಕಲಚೇತನರ ಸರ್ವೆ ಮಾಡಿ ಮಾಹಿತಿಯನ್ನು ಪಡೆದುಕೊಂಡು ಅವರಿಗೆ ಡೀಲ್ ಫೌಂಡೇಶನ್ ಸಂಸ್ಥೆಯ ಬಗ್ಗೆ ಮತ್ತು ಸ್ವಸಹಾಯ ಸಂಘದ ಬಗ್ಗೆ ಮಾಹಿತಿಯನ್ನು ನೀಡುತ್ತಿದ್ದರು.ಆಗ ಶೋಭ ಅವರ ಮನೆಗೂ ಕೂಡ ಹೋಗಿ ಭೇಟಿ ನೀಡಿ ಅವರಿಗೂ ಸಂಸ್ಥೆಯ ಬಗ್ಗೆ ಮಾಹಿತಿಯನ್ನು ನೀಡಿದರು.
ನಂತರ ದೀಪಾ ಅವರು ಅಲ್ಲಿನ ಆಸಕ್ತಿ ಹೊಂದಿದ ವಿಕಲಚೇತನರನ್ನು ಸೇರಿಸಿ 10ಜನ ವಿಕಲಚೇತನರೊಂದಿಗೆ ಸ್ವಸಹಾಯ ಸಂಘವನ್ನು ರಚಿಸಿದರು.ಅದಕ್ಕೆ “ಪರ್ವತ ಮಲ್ಲಯ್ಯ ವಿಕಲಚೇತನರ ಸ್ವಸಹಾಯ ಸಂಘ” ಎಂದು ಹೆಸರಿಟ್ಟು ಕೆವಿಜಿ ಬ್ಯಾಂಕ್ ನಲ್ಲಿ ಖಾತೆಯನ್ನು ತೆರೆದರು. ಸದಸ್ಯರೆಲ್ಲರೂ ಪ್ರತಿ ತಿಂಗಳು ನೂರು ರೂಪಾಯಿಯನ್ನು ಕಟ್ಟುತ್ತಿದ್ದಾರೆ.
ನಂತರ ಈ ಸಂಘಕ್ಕೆ ದೀಪಾ ಅವರು ಬುಕ್ ರೈಟಿಂಗ್ ತರಬೇತಿ,ಲೀಡರ್ ಶಿಪ್ ತರಬೇತಿ,2016ರ ಡಿಸೆಬಿಲಿಟಿ ಅವೆರ್ನೆಸ್ ತರಬೇತಿ, ವಿಕಲಚೇತನ ಗೆ ಸರ್ಕಾರದಿಂದ ಸಿಗುವ ಸೌಲಭ್ಯಗಳ ಮಾಹಿತಿ ಮುಂತಾದ ತರಬೇತಿಗಳನ್ನು ನೀಡಿದರು.ಇದರಿಂದ ಈ ಸಮಾಜದಲ್ಲಿ ವಿಕಲಚೇತನರಿಗೂ ಅವಕಾಶವಿದೆ ಅದನ್ನು ಗುರುತಿಸುವುದಕ್ಕೆ ಡೀಲ್ ಫೌಂಡೇಶನ್ ಸಂಸ್ಥೆಯು ಸಹಕಾರ ನೀಡುತ್ತಿದೆ.ಹೀಗೆ ಶೋಭಾ ಅವರು ಡೀಲ್ ಫೌಂಡೇಶನ್ ವತಿಯಿಂದ ಉದ್ಯೋಗದ ತರಬೇತಿಯನ್ನು ಪಡೆದುಕೊಂಡು ಚಿಕ್ಕಬಂಡವಾಳದಲ್ಲಿ ಸ್ವಂತ ಉದ್ಯೋಗ ಮಾಡಬೇಕು ಎಂದು ತೀರ್ಮಾನಿಸಿ ತರಬೇತಿಯನ್ನು ಪಡೆದುಕೊಳ್ಳಲು ಸದಸ್ಯರು ಒಗ್ಗಟ್ಟಾದರು.
ನಂತರ ಡೀಲ್ ಫೌಂಡೇಶನ್ ವತಿಯಿಂದ ಕುಂಕುಮ ತರಬೇತಿ,ಪೇಪರ್ ಬ್ಯಾಗ್ ತರಬೇತಿ, ಮೇಣದಬತ್ತಿಯ ತರಬೇತಿ, ಕುರಿ ಆಡು ಸಾಕಾಣಿಕೆ ತರಬೇತಿ ಮುಂತಾದ ತರಬೇತಿಗಳ ಮಾಹಿತಿ ಜೊತೆಗೆ ಉದ್ಯೋಗವನ್ನು ಆರಂಭಿಸಿದ ನಂತರ ಮಾರುಕಟ್ಟೆ ಸಂಪರ್ಕದ ಬಗ್ಗೆಯೂ ಎಲ್ಲ ಮಾಹಿತಿಯನ್ನು ದೀಪ ಅವರು ಈ ಸಂಘದ ಸದಸ್ಯರಿಗೆ ನೀಡಿದರು.ಇದರಿಂದ ಆಸಕ್ತಿ ಹೊಂದಿದ ಶೋಭಾ ಅವರು ನಾನು ಕೂಡ ಸ್ವಂತ ಉದ್ಯೋಗ ಮಾಡಬೇಕು ಎಂದು ಆಸಕ್ತಿಯನ್ನು ಹೊಂದಿದರು.ಆದರೆ ಅದಕ್ಕೆ ಬಂಡವಾಳ ಬೇಕಾಗಿತ್ತು ಆ ಬಂಡವಾಳಕ್ಕಾಗಿ ಸಂಘದ ಉಳಿತಾಯದಿಂದ ಸಾಲವನ್ನು ಪಡೆದುಕೊಂಡು ಟೈಲರಿಂಗ್ ಉದ್ಯೋಗ ಮಾಡಬೇಕು ಎಂದು ತೀರ್ಮಾನಿಸಿದರು. ಅದರಂತೆ ತಮ್ಮ ಸಂಘದ ಉಳಿತಾಯದಿಂದ 15000/- ಸಾಲವನ್ನು ಪಡೆದುಕೊಂಡು ಟೈಲರಿಂಗ್ ಮಷೀನ್ ಅನ್ನು ಖರೀದಿಸಿ ವಿಕಲಚೇತನತೆ ಹೊಂದಿದ್ದರೂ ಕೂಡ ಅದನ್ನು ಲೆಕ್ಕಿಸದೆ ಉದ್ಯೋಗವನ್ನು ಆರಂಭಿಸಿದರು.
ಹೀಗೆ ಶೋಭಾ ಅವರು ತಮ್ಮ ಉದ್ಯೋಗದಿಂದ ಆರ್ಥಿಕವಾಗಿ ಮುಂದೆ ಬರುತ್ತಿದ್ದಾರೆ.ತಮ್ಮ ಕನಸಿನ ಹಾಗೆ ತಮ್ಮ ಮಗನಿಗೆ ಹೆಚ್ಚಿನ ವಿದ್ಯಾಭ್ಯಾಸವನ್ನು ಕೊಡಿಸಲು ಕಷ್ಟ ಪಡುತಿದ್ದಾರೆ. ಯಾವುದೇ ರೀತಿಯ ಕಟ್ಟು ಬಾಕಿ ಉಳಿಸದೆ ಸಾಲವನ್ನು ಮರುಪಾವತಿ ಮಾಡುತ್ತಿದ್ದಾರೆ.
ಹೀಗೆ ಶೋಭಾ ಅವರು ಡೀಲ್ ಫೌಂಡೇಶನ್ ವತಿಯಿಂದ ತರಬೇತಿಯನ್ನು ಪಡೆದುಕೊಂಡು ಸ್ವಯಂ ಉದ್ಯೋಗದಲ್ಲಿ ಮುಂದುವರೆದಿದ್ದಾರೆ.ಇಷ್ಟೆಲ್ಲ ಸಹಕಾರ ನೀಡಿದ ಡೀಲ್ ಫೌಂಡೇಶನ್ ಸಂಸ್ಥೆಯ ಬಗ್ಗೆ ತಮ್ಮ ಅಭಿಪ್ರಾಯವನ್ನು ವ್ಯಕ್ತಪಡಿಸಿದ್ದಾರೆ ಅದು ಬಡತನ ಪರಿಸ್ಥಿತಿಯಿಂದ ಕೂಡಿದ ನನ್ನ ಜೀವನಕ್ಕೆ ಡೀಲ್ ಫೌಂಡೇಶನ್ ಸಂಸ್ಥೆ ಆಧಾರವಾಗಿ ಬಂದಿತ್ತು.ಎಲ್ಲೋ ಇದ್ದ ನನ್ನನ್ನು ಗುರುತಿಸಿ ಈ ಸಮಾಜದಲ್ಲಿ ವಿಕಲಚೇತನರಿಗೆ ಅವಕಾಶ ಸಿಕ್ಕರೆ ಏನನ್ನಾದರೂ ಸಾಧಿಸಬಲ್ಲರು ಎಂದು ಗುರುತಿಸುವಂತೆ ಡೀಲ್ ಫೌಂಡೇಶನ್ ಸಂಸ್ಥೆ ನನಗೆ ಸಹಕಾರ ನೀಡಿದೆ. ದೀಪಾಅವರ ಸಲಹೆಯಂತೆ ಸಂಘ ಮಾಡಿ ಅನೇಕ ತರಬೇತಿಗಳನ್ನು ಪಡೆದುಕೊಂಡು ಸ್ವಯಂ ಉದ್ಯೋಗದಲ್ಲಿ ತೊಡಗುವಂತೆ ಮಾಡಿ ಆರ್ಥಿಕ ಪರಿಸ್ಥಿತಿಯನ್ನು ಸುಧಾರಣೆಯಾಗುವಂತೆ ಮಾಡಿದ್ದಾರೆ.ಮೊದಲು ನಮಗೆ ಸ್ವಸಹಾಯ ಸಂಘದ ಬಗ್ಗೆ ಮಾಹಿತಿ ಗೊತ್ತಿರಲಿಲ್ಲ ದೀಪಾ ಅವರ ಸಹಕಾರದಿಂದ ವಿಕಲಚೇತನರಿಗೆ ಸಿಗುವ ಸೌಲಭ್ಯಗಳ ಮಾಹಿತಿ ಕೂಡ ಸಿಕ್ಕಿದೆ.ಈಗ ಯಾವುದೇ ಸರ್ಕಾರದ ಅನುದಾನದ ಸೌಲಭ್ಯಗಳು ಎದುರಿಸಿ ನಿಂತು ಕೇಳುವ ಧೈರ್ಯ ಡೀಲ್ ಫೌಂಡೇಶನ್ ಸಂಸ್ಥೆಯಿಂದ ನಮ್ಮಲ್ಲಿ ಮೂಡಿದೆ. ಸಂಘ ರಚನೆ ಮಾಡಿದ್ದರಿಂದ ಸ್ವಲ್ಪ ಹಣವಾದರು ಕುಡಿ ಇಡುತಿದ್ದೇವೆ.ಮುಂದೆ ಬ್ಯಾಂಕ್ ಲೋನ್ ತೆಗೆದುಕೊಂಡು ಹೆಚ್ಚಿನ ಉದ್ಯೋಗ ಮಾಡಬೇಕು ಎಂದು ಎಲ್ಲ ಸದಸ್ಯರು ತೀರ್ಮಾನಿಸಿದ್ದಾರೆ. ಇಷ್ಟ್ಟೆಲ್ಲಾ ಸಹಕಾರ ನೀಡಿದ ದೀಪಾ ಅವರಿಗೂ ಮತ್ತು ಡೀಲ್ ಫೌಂಡೇಶನ್ ಸಂಸ್ಥೆಗೂ ನನ್ನ ಹಾಗೂ ನನ್ನ ಕುಟುಂಬದ ಪರವಾಗಿ ಧನ್ಯವಾದಗಳನ್ನು ಅರ್ಪಿಸುತ್ತೇನೆ.ಹೀಗೆ ಯಾವಾಗಲೂ ನಿಮಗೆ ಚಿರಋಣಿಯಾಗಿರುತ್ತೇವೆ ಎಂದು ತಮ್ಮ ಅಭಿಪ್ರಾಯವನ್ನು ವ್ಯಕ್ತಪಡಿಸಿದ್ದಾರೆ.
ಹೀಗೆ ಡೀಲ್ ಫೌಂಡೇಶನ್ ಸಂಸ್ಥೆಯು ನೀಡುತ್ತಿರುವ ಕಾರ್ಯವೈಕರಿಗಳಿಂದ ವಿಕಲಚೇತನರ ಜೀವನಕ್ಕೆ ಆಧಾರವಾಗಿದೆ ಎಂದು ಹೇಳಬಹುದು.ಹೀಗೆ ಇನ್ನು ಅನೇಕ ವಿಕಲಚೇತನರ ಜೀವನಕ್ಕೆ ಬೆಳಕಾಗಲಿ ಇನ್ನು ಹೆಚ್ಚಿನ ಮಟ್ಟದಲ್ಲಿ ಡೀಲ್ ಫೌಂಡೇಶನ್ ಸಂಸ್ಥೆ ಕೀರ್ತಿ ಬೆಳೆಯಲಿ ಎಂದು ಎಲ್ಲ ವಿಕಲಚೇತನರು ಹಾರೈಸುತಿದ್ದಾರೆ.
ಈ ಬ್ಲಾಗ್ ಗೆ ಸಂಬಂಧಿಸಿದಂತೆ ಯಾವುದೇ ನಿರ್ದಿಷ್ಟ ಪ್ರಶ್ನೆಗಳಿಗೆ ಅಥವಾ ಯಾವುದೇ ಸಹಾಯಕ್ಕಾಗಿ Info@deal-foundation.com ನಲ್ಲಿ ತಿಳಿಸಿರಿ ಮತ್ತು ನಾವು ಮಾಡುವ ಕೆಲಸದ ಕುರಿತು ಇನ್ನಷ್ಟು ತಿಳಿದುಕೊಳ್ಳಲು www.deal-foundation ಗೆ ಲಾಗ್ ಇನ್ ಮಾಡಿರಿ.
ಧನ್ಯವಾದಗಳು