ವಿಕಲಚೇತನರ ಮತ್ತು ಮಹಿಳೆಯರ ಆರ್ಥಿಕ ಅಭಿವೃದ್ಧಿಗಾಗಿ ಮತ್ತು ಸ್ವಾವಲಂಬನೆ ಜೀವನಕ್ಕಾಗಿ ಹಿಂದೆ ಗುರು ಮುಂದೆ ಗುರಿ ಇದ್ದರೆ ಏನನ್ನಾದರೂ ಸಾಧಿಸಬಹುದು ಎಂಬ ವಾಕ್ಯದಂತೆ ಡೀಲ್ ಫೌಂಡೇಶನ್ ಸಂಸ್ಥೆಯು ಗುರಿಗಳನ್ನು ಹಾಕಿಕೊಂಡು ಮುಂದುವರಿಯಿತು.ಅದರಲ್ಲಿ ವಿಕಲಚೇತನ ಮತ್ತು ಮಹಿಳೆಯರಿಗಾಗಿ ಜಾಗೃತಿ ತರಬೇತಿ,ಸಮುದಾಯ ಸಂವೇದನೆ,ಬೇಸ್ ಲೈನ್ ಸಮೀಕ್ಷೆ, ಆರಂಭ ಸ್ವ ಉದ್ಯೋಗ ಕೇಂದ್ರ ಗಳನ್ನು ಸ್ಥಾಪಿಸುವುದು,ಮಹಿಳೆಯರ ಸ್ವಸಹಾಯ ಸಂಘ ರಚಿಸುವುದು,ಬ್ಯಾಂಕ್ ಮತ್ತು ಮಾರುಕಟ್ಟೆ ಸಂಪರ್ಕ ಕಲ್ಪಿಸುವುದು,ರೈತ ಉತ್ಪಾದಕರ ಕಂಪನಿ ರಚನೆ,ತಾಲೂಕು ಮತ್ತು ಜಿಲ್ಲಾಮಟ್ಟದಲ್ಲಿ ಸಹಕಾರಿ ಸಂಘ ರಚನೆ ಮಾಡುವುದು ಹೀಗೆ ಈ ರೀತಿಯಾಗಿ ಗುರುಗಳನ್ನು ಇಟ್ಟುಕೊಂಡು ಪ್ರತಿ ತಾಲೂಕಿನಲ್ಲಿ ಲವ್ಲಿ ವುಡ್ ಆಫೀಸರ್ಸ್ ವಿಕಲಚೇತನರು ಮತ್ತು ಮಹಿಳೆಯರ ಅಭಿವೃದ್ಧಿಗಾಗಿ ಕೆಲಸ ಮಾಡುತ್ತಿದ್ದಾರೆ.
ವಿಕಲಚೇತನ ಮತ್ತು ಮಹಿಳೆಯರ ಅಭಿವೃದ್ಧಿಯಲ್ಲಿ ಲವ್ಲಿ ವುಡ್ ಆಫೀಸರ್ಸ್ ಹಂತ ಹಂತವಾಗಿ ವಿಕಲಚೇತನರ ಸಮೀಕ್ಷೆ ಮಾಡಿ ಅವರಿಗೆ ಡೀಲ್ ಫೌಂಡೇಶನ್ ಸಂಸ್ಥೆ ಮಾಡುತ್ತಿರುವ ಕಾರ್ಯಗಳ ಬಗ್ಗೆ,ತರಬೇತಿಗಳ ಬಗ್ಗೆ ಮಾಹಿತಿ ನೀಡಿ ಆಸಕ್ತಿ ಹೊಂದಿದ ವಿಕಲಚೇತನ ಮತ್ತು ಮಹಿಳೆಯರ ಸ್ವಸಹಾಯ ಗುಂಪುಗಳನ್ನು ರಚಿಸಿದರು. ನಂತರ ಆ ಸಂಘಗಳಿಗೆ ತರಬೇತಿ ನೀಡಿ ಉದ್ಯೋಗದಲ್ಲಿ ತೊಡಗುವಂತೆ ಮಾಡಿದ್ದಾರೆ.ಇದರಿಂದ ಮಹಿಳೆಯರು ಕೂಡ ಯಾವುದಕ್ಕೂ ಕಡಿಮೆ ಇಲ್ಲ ಎಂದು ಪ್ರತಿ ತಾಲೂಕಿನಲ್ಲಿ ಮಹಿಳೆಯರು ಗುರುತಿಸಿಕೊಂಡಿದ್ದಾರೆ. ಅಂತಹ ಸ್ವಸಹಾಯ ಸಂಘಗಳಲ್ಲಿ ಹೇಳುವುದಾದರೆ ಗದಗ್ ತಾಲೂಕಿನ ಹೊಂಬೆಳಕು ಮಹಿಳಾ ಸ್ವಸಹಾಯ ಸಂಘ ಕೂಡ ಒಂದು.
ಈ ಸಂಘದ ಬಗ್ಗೆ ಹೇಳುವುದಾದರೆ ಗದಗ್ ತಾಲೂಕಿನಲ್ಲಿ ಲವ್ಲಿವುಡ್ ಆಫೀಸರ್ ಆದ ವೀಣಾ ಶಾಖನವರ್ ಇವರು ವಿಕಲಚೇತನರ ಸಮೀಕ್ಷೆಗಾಗಿ ಪ್ರತಿ ಗ್ರಾಮ ಪಂಚಾಯಿತಿಗಳಿಗೂ ಹೋಗಿ ಅಲ್ಲಿನ ಅಧಿಕಾರಿಗಳಿಗೆ ಭೇಟಿ ನೀಡಿ ಡೀಲ್ ಫೌಂಡೇಶನ್ ಸಂಸ್ಥೆಯ ಬಗ್ಗೆ ಮಾಹಿತಿ ನೀಡಿ ವಿಕಲಚೇತನರಿಗಾಗಿ ಮತ್ತು ಮಹಿಳೆಯರಿಗಾಗಿ ಗ್ರಾಮ ಪಂಚಾಯಿತಿಯ ಎಲ್ಲಾ ವಿಕಲಚೇತನೊಡನೆ ಕಾರ್ಯನಿರ್ವಹಿಸಲು ಸಹಾಯ ಪಡೆದುಕೊಂಡು ಆಯಾ ಪಂಚಾಯತಿಯ ವಿ ಆರ್ ಡಬ್ಲ್ಯೂ ಮೂಲಕ ವಿಕಲಚೇತನರು ಮತ್ತು ಮಹಿಳೆಯರಿಗೆ ಭೇಟಿ ನೀಡಿ ಅವರನ್ನು ಸ್ವಸಹಾಯ ಸಂಘದಲ್ಲಿ ತೊಡಗುವಂತೆ ಮಾಡಿ ಉದ್ಯೋಗದಲ್ಲಿ ಅವಕಾಶಗಳನ್ನು ನೀಡಿದ್ದಾರೆ.
ಅದೇ ರೀತಿ ಕೋಟುಮಚಗಿ ಗ್ರಾಮ ಪಂಚಾಯತಿಯ ನಿರ್ದಿಷ್ಟ ಸೀಮಿತವಾದ ಪ್ರದೇಶದಿಂದ ವಿಕಲಚೇತನರು ಮತ್ತು ಮಹಿಳೆಯರನ್ನು ಆಯ್ಕೆ ಮಾಡಿ ಅವರನ್ನು ಒಂದು ಕಡೆ ಸೇರಿಸಿ ಅವರಿಗೆ ವಿಕಲಚೇತನತೆಯ ಬಗ್ಗೆ, ಡೀಲ್ ಫೌಂಡೇಶನ್ ಸಂಸ್ಥೆಯ ಬಗ್ಗೆ,ಸರ್ಕಾರದಿಂದ ಸಿಗುವ ಲಾಭಾಂಶಗಳ ಬಗ್ಗೆ, ಸ್ವಸಹಾಯ ಸಂಘ ರಚಿಸುವುದರಿಂದ ಸಿಗುವ ಸೌಲಭ್ಯಗಳ ಕುರಿತು ವಿವರವಾಗಿ ಅಲ್ಲಿನ ಮಹಿಳೆಯರಿಗೆ ವೀಣಾ ಅವರು ಮಾಹಿತಿಯನ್ನು ನೀಡಿದರು.
ಇದರಿಂದ ಆಸಕ್ತಿ ಹೊಂದಿದ ಮಹಿಳೆಯರು ಹತ್ತು ಜನ ಸೇರಿಕೊಂಡು ಸ್ವಸಹಾಯ ಸಂಘವನ್ನು ರಚಿಸಿಕೊಂಡರು. ಅದಕ್ಕೆ “ಹೊಂಬೆಳಕು ಮಹಿಳಾ ಸ್ವಸಹಾಯ ಸಂಘ” ಎಂದು ಹೆಸರಿಟ್ಟು ವೀಣಾ ಅವರ ಸಹಕಾರದೊಂದಿಗೆ ಕೆವಿಜಿ ಬ್ಯಾಂಕಿನಲ್ಲಿ ಖಾತೆಯನ್ನು ತೆರೆದರು.ಪ್ರತಿ ತಿಂಗಳ 200 ರೂಪಾಯಿ ಉಳಿತಾಯ ತುಂಬುದಾಗಿ ಎಲ್ಲ ಸದಸ್ಯರು ತೀರ್ಮಾನಿಸಿದರು.
ನಂತರ ಈ ಸಂಘಕ್ಕೆ ವೀಣಾ ಅವರು 2016ರ ಡಿಸೆಬಿಲಿಟಿ ಅವೆರ್ನೆಸ್ ತರಬೇತಿ,ಬುಕ್ ರೈಟಿಂಗ್ ತರಬೇತಿಯನ್ನು ನೀಡಿದರು.ಹಾಗೆ ಡೀಲ್ ಫೌಂಡೇಶನ್ ಸಂಸ್ಥೆಯ ಟ್ರೈನಿಂಗ್ ಕೋ ಆರ್ಡಿನೇಟರ್ ಆದ ಶಿವಕುಮಾರ್ ಶಿರೋಳ್ ಇವರು ಈ ಸಂಘಕ್ಕೆ ಭೇಟಿ ನೀಡಿ ಸಂಘದ ಸದಸ್ಯರಿಗೆ ಫೈನಾನ್ಸಿಯಲ್ ಲೀಡರ್ ಶಿಪ್ ತರಬೇತಿ ಮತ್ತು ಉದ್ಯೋಗದ ತರಬೇತಿಯ ಬಗ್ಗೆ ಮಾಹಿತಿ ನೀಡಿ ಸದಸ್ಯರಿಗೆ ಉದ್ಯೋಗದಲ್ಲಿ ತೊಡಗುವಂತೆ ಸ್ಪೂರ್ತಿಯನ್ನು ನೀಡಿದರು.
ಅದರಂತೆ ಪ್ರೇರಿತಗೊಂಡು ಸಂಘದ ಸದಸ್ಯರೆಲ್ಲರೂ ತಮ್ಮ ಆರ್ಥಿಕ ಜೀವನಕ್ಕಾಗಿ ನಾವು ಏನಾದರೂ ಮಾಡಬೇಕು ಎಂದು ತೀರ್ಮಾನಿಸಿದರು. ಅದರಂತೆ ತಮ್ಮ ಉಳಿತಾಯದಿಂದಲೇ ಸದಸ್ಯರು ಸಾಲವನ್ನು ಪಡೆದುಕೊಂಡು ಉದ್ಯೋಗದಲ್ಲಿ ತೊಡಗಿದ್ದಾರೆ. ಅದರಲ್ಲಿ ಹನುಮವ್ವ ಇವರು 10,000/ ಸಾಲವನ್ನು ಪಡೆದುಕೊಂಡು ಹೈನುಗಾರಿಕೆ ಉದ್ಯೋಗವನ್ನು ಆರಂಭಿಸಿದರು.
ಹೀಗೆ ಉಳಿದ ಸದಸ್ಯರೆಲ್ಲರೂ ಬ್ಯಾಂಕ್ ಲೋನ್ ತೆಗೆದುಕೊಳ್ಳಲು ನಿರ್ಧರಿಸಿದರು.ಸದಸ್ಯರೆಲ್ಲರ ದಾಖಲಾತಿಯೊಂದಿಗೆ ಬ್ಯಾಂಕ್ ಲೋನ್ ಅರ್ಜಿಯನ್ನು ವೀಣಾ ಅವರು ಸಲ್ಲಿಸಿದರು.ಈ ಸಂಘಕ್ಕೆ ಬ್ಯಾಂಕಿನಿಂದ ಒಂದು ಲಕ್ಷ ಲೋನ್ ಸ್ಯಾಂಕ್ಷನ್ ಆಯ್ತು.ಈ ಸಾಲವನ್ನು ಸಂಘದ ಸದಸ್ಯರಲ್ಲಿ ನಜ್ಮಾ ವಡ್ಡಟ್ಟಿ ಇವರು 20,000/ ಸಾಲವನ್ನು ಪಡೆದುಕೊಂಡು ಕೃಷಿ ಉದ್ಯೋಗ ಮಾಡುತ್ತಿದ್ದಾರೆ.ಅದೇ ರೀತಿ ಗೌರವ ಮಂಗಳಗಟ್ಟೆ ಇವರು 50,000/- ಸಾಲವನ್ನು ಪಡೆದುಕೊಂಡು ಕುರಿಮರಿ ಸಾಕಾಣಿಕೆ ಉದ್ಯೋಗವನ್ನು ಮಾಡುತ್ತಿದ್ದಾರೆ.ಹಾಗೆ ಅಕ್ಕಮ್ಮ ಮುಧೋಳ್ ಇವರು 30,000/- ಲೋನ್ ಪಡೆದುಕೊಂಡು ಹೈನುಗಾರಿಕೆ ಉದ್ಯೋಗವನ್ನು ಮಾಡುತ್ತಿದ್ದಾರೆ.ಈ ರೀತಿಯಾಗಿ ಸಂಘದ ಸದಸ್ಯರು ಉದ್ಯೋಗದಲ್ಲಿ ತೊಡಗಿ ಯಾವುದೇ ಕಟ್ಟು ಬಾಕಿ ಉಳಿಸದೆ ಸಾಲ ಮರುಪಾವತಿ ಮಾಡುತ್ತಿದ್ದಾರೆ.
ಈ ಸಾಲವನ್ನು ಮುಟ್ಟಿದ ನಂತರ ಉಳಿದ ಸದಸ್ಯರು ಸಾಲವನ್ನು ಪಡೆದುಕೊಂಡು ಉದ್ಯೋಗದಲ್ಲಿ ತೊಡಗು ತೀರ್ಮಾನಿಸಿದ್ದಾರೆ. ಹೀಗೆ ಈ ಸ್ವಸಹಾಯ ಸಂಘದಿಂದ ಪ್ರತಿ ಸದಸ್ಯರು ಉದ್ಯೋಗದಲ್ಲಿ ತೊಡಗಿದ್ದಾರೆ.ಇಷ್ಟೆಲ್ಲ ಸಹಕಾರ ಪಡೆದುಕೊಂಡ ಸಂಘದ ಸದಸ್ಯರೆಲ್ಲರೂ ಡೀಲ್ ಫೌಂಡೇಶನ್ ಸಂಸ್ಥೆಯ ಬಗ್ಗೆ ತಮ್ಮ ಅಭಿಪ್ರಾಯವನ್ನು ಹಂಚಿಕೊಂಡಿದ್ದಾರೆ ಅದು ಮದುವೆಯಾದ ನಂತರ ಹೆಣ್ಣು ಮಕ್ಕಳು ತಮ್ಮ ಮನೆಗಳಿಗೆ ಮಾತ್ರ ಸೀಮಿತವಾಗುತ್ತಾರೆ ಆದರೆ ಅವರಿಗೂ ಅವಕಾಶ ಕೊಟ್ಟರೆ ಜೀವನದಲ್ಲಿ ಏನಾದರೂ ಸಾಧಿಸುತ್ತಾರೆ ಆದರೆ ಅವರಿಗೆ ಅವಕಾಶ ಬೇಕು ಅಂತಹ ಅವಕಾಶ ಡೀಲ್ ಫೌಂಡೇಶನ್ ಸಂಸ್ಥೆಯು ನಮಗೆ ನೀಡಿತು. ನಮ್ಮ ಸಂಘವನ್ನು ರಚಿಸಿದ ನಂತರ ನಾವು ಕೂಡ ಉದ್ಯೋಗದಲ್ಲಿ ತೊಡಗುವಂತೆ ಮಾಡಿದರು.ಇದರಿಂದ ನಮ್ಮ ಕುಟುಂಬಗಳಿಗೂ ನಾವು ಆರ್ಥಿಕವಾಗಿ ಸಹಾಯಕವಾಗುವಂತೆ ಮಾಡಿದರು.ನಮ್ಮನ್ನು ಗುರುತಿಸಿ ಸ್ವ ಸಹಾಯ ಸಂಘ ರಚಿಸಿ ನಮಗೆ ಅನೇಕ ತರಬೇತಿಗಳನ್ನು ನೀಡುವುದರ ಮೂಲಕ ನಮ್ಮನ್ನು ಬೆಂಬಲಿಸಿದ ವೀಣಾ ಅವರಿಗೂ ಹಾಗೂ ಡೀಲ್ ಫೌಂಡೇಶನ್ ಸಂಸ್ಥೆಗು ನಮ್ಮ ಸಂಘದ ಸದಸ್ಯರೆಲ್ಲರ ಪರವಾಗಿ ಧನ್ಯವಾದಗಳು ಅರ್ಪಿಸುತ್ತೇವೆ.ಹೀಗೆ ಇನ್ನು ಹೆಚ್ಚಿನ ಸಹಕಾರ ನೀಡಿ ನಮ್ಮನ್ನು ಬೆಂಬಲಿಸಲಿ ಎಂದು ಕೇಳಿಕೊಳ್ಳುತ್ತೇವೆ ಎಂದು ತಮ್ಮ ಅಭಿಪ್ರಾಯವನ್ನು ಹಂಚಿಕೊಂಡಿದ್ದಾರೆ.
ಈ ರೀತಿಯಾಗಿ ಡೀಲ್ ಫೌಂಡೇಶನ್ ಸಂಸ್ಥೆಯು ವಿಕಲಚೇತನ ಮತ್ತು ಮಹಿಳೆಯರಿಗೆ ಆರ್ಥಿಕವಾಗಿ ಬೆಂಬಲಿಸಿ ಅವರನ್ನು ಉದ್ಯೋಗದಲ್ಲಿ ತೊಡುವಂತೆ ಮಾಡಿ ಈ ಸಮಾಜದಲ್ಲಿ ಅವರನ್ನು ಗುರುತಿಸಿಕೊಳ್ಳುವಂತೆ ಮಾಡಿದ್ದಾರೆ.ಹೀಗೆ ಇನ್ನು ಹೆಚ್ಚಿನ ಮಟ್ಟದಲ್ಲಿ ಡೀಲ್ ಫೌಂಡೇಶನ್ ಬೆಳೆಯಲಿ ಎಂದು ಎಲ್ಲರೂ ಹಾರೈಸುತ್ತಿದ್ದಾರೆ.
ಈ ಬ್ಲಾಗ್ ಗೆ ಸಂಬಂಧಿಸಿದಂತೆ ಯಾವುದೇ ನಿರ್ದಿಷ್ಟ ಪ್ರಶ್ನೆಗಳಿದ್ದರೆ ಅಥವಾ ಯಾವುದೇ ಸಹಾಯಕ್ಕಾಗಿ Info@deal-foundation.com ನಲ್ಲಿ ತಿಳಿಸಿರಿ ಮತ್ತು ನಾವು ಮಾಡುವ ಕೆಲಸದ ಕುರಿತು ಇನ್ನಷ್ಟು ತಿಳಿದುಕೊಳ್ಳಲು www.deal-foundation ನಲ್ಲಿ ಲಾಗ್ ಇನ್ ಮಾಡಿ.
ಧನ್ಯವಾದಗಳು