ವಿಕಲಚೇತನ ಮತ್ತು ಮಹಿಳೆಯರ ಸ್ವಾವಲಂಬನೆ ಜೀವನಕ್ಕಾಗಿ ಡೀಲ್ ಫೌಂಡೇಶನ್ ಸಂಸ್ಥೆಯು ತರಬೇತಿಗಳನ್ನು ನೀಡಿ ಅವರ ಅಭಿವೃದ್ಧಿಗಾಗಿ ಅನೇಕ ತರಬೇತಿಗಳ ಮಾರ್ಗವನ್ನು ನೀಡುತ್ತಿದೆ.ಅದು ವಿಕಲಚೇತನರ ಮತ್ತು ಮಹಿಳೆಯರ ಸ್ವಸಹಾಯ ಸಂಘ ರಚನೆ ಮಾಡಿ ಅವರಿಗೆ ಡೀಲ್ ಫೌಂಡೇಶನ್ ನಿಂದ ಕುಂಕುಮ ತರಬೇತಿ,ಮೇಣದಬತ್ತಿ ತರಬೇತಿ,ಪೇಪರ್ ಬ್ಯಾಗ್ ತರಬೇತಿ, ಹೈನುಗಾರಿಕೆ ತರಬೇತಿ ಮುಂತಾದ ತರಬೇತಿಗಳನ್ನು ನೀಡಿ ಬ್ಯಾಂಕ್ ನಿಂದ ಸಾಲವನ್ನು ಕೊಡಿಸಿ ಅವರ ಆರ್ಥಿಕ ಜೀವನಕ್ಕೆ ನೆರಳಾಗುವಂತೆ ಪ್ರತಿ ತಾಲೂಕಿನಲ್ಲಿ ಲವ್ಲಿ ವುಡ್ ಆಫೀಸರ್ ಕಾರ್ಯನಿರ್ವಹಿಸುತ್ತಿದ್ದಾರೆ. ಇದರಿಂದ ಪ್ರತಿ ತಾಲೂಕಿನಲ್ಲಿ ಅನೇಕ ವಿಕಲಚೇತನ ಮಹಿಳೆಯರು ತಮ್ಮ ಸ್ವಾವಲಂಬನೆ ಜೀವನವನ್ನು ಗುರುತಿಸಿಕೊಂಡಿದ್ದಾರೆ.
ಮಹಿಳೆಯರು ಕೂಡ ಯಾವುದಕ್ಕೂ ಕಡಿಮೆ ಇಲ್ಲ ಅವರಿಗೂ ಅವಕಾಶ ಮತ್ತು ಮಾರ್ಗವನ್ನು ಸೂಚಿಸಿದರೆ ಏನನ್ನಾದರೂ ಸಾಧಿಸುತ್ತಾರೆ ಎನ್ನುವುದಕ್ಕೆ ಈ ಮಹಿಳಾ ಸ್ವಸಹಾಯ ಸಂಘ ಉದಾಹರಣೆಯಾಗಿದೆ.ಹೌದು ಪ್ರತಿ ತಾಲೂಕಿನಲ್ಲಿ ಲವ್ಲಿ ವುಡ್ ಆಫೀಸರ್ಸ್ ಮೂಲಕ ಮಹಿಳಾ ಸ್ವಸಹಾಯ ಸಂಘ ರಚಿಸಿ ಅವರನ್ನು ಉದ್ಯೋಗದಲ್ಲಿ ತಡುವಂತೆ ಮಾಡಿದ್ದಾರೆ.ಅಂತಹ ಸಂಘದಲ್ಲಿ ಹೇಳುವುದಾದರೆ ಶಿರಹಟ್ಟಿ ತಾಲೂಕಿನ ಬೆಳ್ಳಟ್ಟಿ ಗ್ರಾಮದ ಶಿವಗಂಗಾ ಸ್ವ ಸಹಾಯ ಸಂಘವು ಕೂಡ ಒಂದು.
ಈ ಸಂಘದ ಬಗ್ಗೆ ಹೇಳುವುದಾದರೆ ಶಿರಹಟ್ಟಿ ತಾಲೂಕಿನಲ್ಲಿ ಡೀಲ್ ಫೌಂಡೇಶನ್ ವತಿಯಿಂದ ಲವ್ಲಿ ವುಡ್ ಆಫೀಸರ್ ಆದ ರೇಖಾ ಮಡ್ಡಿ ಇವರು ಅಲ್ಲಿ ವಿಕಲಚೇತನ ಮತ್ತು ಮಹಿಳೆಯರ ಸ್ವಸಹಾಯ ಸಂಘವನ್ನು ರಚಿಸಿ ಉದ್ಯೋಗದಲ್ಲಿ ತೊಡಗುವಂತೆ ಮಾಡಿದ್ದಾರೆ.ಅದನ್ನು ಗಮನಿಸಿದ ಮಹಿಳೆಯರು ನಾವು ಕೂಡ ಸ್ವಸಹಾಯ ಸಂಘವನ್ನು ರಚಿಸೋಣ ಎಂದು ತೀರ್ಮಾನಿಸಿದರು.ರೇಖಾ ಅವರು ಎಂಬಿಕೆ ಆಫೀಸಿಗೆ ಭೇಟಿ ನೀಡಿದಾಗ ಅಲ್ಲಿನ ಮಹಿಳೆಯರು ರೇಖಾ ಅವರಿಗೆ ಪರಿಚಯವಾದರು. ನಂತರ ಅವರೊಂದಿಗೆ ಚರ್ಚಿಸಿ ಮಹಿಳೆಯರ ಸ್ವಸಹಾಯ ಸಂಘವನ್ನು ರಚಿಸಲು ತಯಾರಿ ನಡೆಸಿದರು.
ಹೀಗೆ ಹತ್ತು ಜನ ಮಹಿಳೆಯರೊಂದಿಗೆ ಸೇರಿ ಸ್ವ ಸಹಾಯ ಸಂಘವನ್ನು ರಚಿಸಿಕೊಂಡರು.ಅದಕ್ಕೆ “ಶಿವಗಂಗಾ ಸ್ವ ಸಹಾಯ ಸಂಘ” ಎಂದು ಹೆಸರಿಟ್ಟು ಕೆವಿಜಿ ಬ್ಯಾಂಕ್ ನಲ್ಲಿ ಖಾತೆ ತೆರೆದರು. ಅದರಂತೆ ಎಲ್ಲ ಸದಸ್ಯರು ಪ್ರತಿ ತಿಂಗಳು ನೂರು ರೂಪಾಯಿ ಉಳಿತಾಯ ವನ್ನು ಕಟ್ಟುತ್ತಿದ್ದಾರೆ.ನಂತರ ಈ ಸಂಘಕ್ಕೆ ರೇಖಾ ಅವರು ಬುಕ್ ರೇಟಿಂಗ್ ತರಬೇತಿ,ಲೇಡಿರ್ಷಿಪ್ ತರಬೇತಿಯನ್ನು ನೀಡಿದರು.
ಈ ಸಂಘ ರಚನೆಯಾದ ಆರು ತಿಂಗಳ ನಂತರ ರೇಖಾ ಅವರೊಂದಿಗೆ ಸಂಘದ ಸದಸ್ಯರೆಲ್ಲರೂ ಬ್ಯಾಂಕ್ ಲೋನ್ ಬಗ್ಗೆ ಚರ್ಚಿಸಿದರು.ಅದೇ ರೀತಿ ಬ್ಯಾಂಕ್ ಲೋನ್ ಪಡೆದುಕೊಳ್ಳಲು ಎಲ್ಲ ದಾಖಲಾತಿಗಳನ್ನು ಸದಸ್ಯರೆಲ್ಲರೂ ಹೊಂದಿಸಿದರು. ನಂತರ ರೇಖಾ ಅವರು ಎಲ್ಲ ಸದಸ್ಯರ ದಾಖಲಾತಿಯೊಂದಿಗೆ ಬ್ಯಾಂಕನಲ್ಲಿ ಸಾಲಕ್ಕಾಗಿ ಅರ್ಜಿಯನ್ನು ಸಲ್ಲಿಸಿದರು.ಆದರೆ ಅಲ್ಲಿ ಸಂಘ ರಚನೆಯಾಗಿ ಒಂದು ವರ್ಷ ಆಗಬೇಕು ನಂತರ ಸಂಘಕ್ಕೆ ಲೋನ್ ಕೊಡುವುದು ಎಂದು ಹೇಳಿದರು.ಸದಸ್ಯರೆಲ್ಲರೂ ರೇಖಾ ಅವರಿಗೆ ಹೇಗಾದರೂ ಮಾಡಿ ಸಾಲವನ್ನು ಕೊಡಿಸಿ ಎಂದು ಮನವಿಯನ್ನು ಮಾಡಿದರು.
ನಂತರ ರೇಖಾ ಅವರು ಎಂಬಿಕೆ ಆಫೀಸಿನಲ್ಲಿ ಈ ಸಂಘದ ಬಗ್ಗೆ ಮಾಹಿತಿ ನೀಡಿ ಅವರಿಗೆ ಲೋನ್ ಕೊಡಿ ಎಂದು ವಿಚಾರಿಸಿದರು. ನಂತರ ಅಲ್ಲಿನ ಆಫೀಸರ್ಸ್ ಸರಿ ಆಯಿತು ಎಲ್ಲ ಸದಸ್ಯರ ದಾಖಲಾತಿಗಳನ್ನು ತೆಗೆದುಕೊಂಡು ಬನ್ನಿ ಎಂದು ಹೇಳಿದರು.ಅದರಂತೆ ರೇಖಾ ಅವರು ಎಲ್ಲ ಸದಸ್ಯರ ದಾಖಲಾತಿಯನ್ನು ಸಲ್ಲಿಸಿದರು. ನಂತರ ಈ ಸಂಘಕ್ಕೆ 75,000/- ಲೋನ್ ಅನ್ನು ಸ್ಯಾಂಕ್ಷನ್ ಮಾಡಿದರು.ಆ ಲೋನಲ್ಲಿ ಸಂಘದ ಸದಸ್ಯರಾದ ಕವಿತಾ ಗಾಣಗಿ ಅವರು ಕಿರಾಣಿ ಅಂಗಡಿ ನಡೆಸಲು 50,000 ಲೋನ್ ಅನ್ನು ತೆಗೆದುಕೊಂಡು ಕಿರಾಣಿ ಅಂಗಡಿಯನ್ನು ಬೆಳ್ಳಟ್ಟಿ ಗ್ರಾಮದಲ್ಲಿ ದೊಡ್ಡ ಪ್ರಮಾಣದಲ್ಲಿ ಹಾಕಿ ತಮ್ಮ ಉದ್ಯೋಗವನ್ನು ಆರಂಭಿಸಿದ್ದಾರೆ. ಇದರಿಂದ ಅವರ ಕುಟುಂಬಕ್ಕೂ ಸಹಾಯಕವಾಗಿದೆ.ಅದೇ ರೀತಿ ಜಯಶ್ರೀ ಗಾಣಗಿ ಅವರು ಕೂಡ 25,000 ಲೋನ್ ಅನ್ನು ಪಡೆದುಕೊಂಡಿದ್ದಾರೆ.ಅದು ಟೈಲರಿಂಗ್ ಮಷೀನ್ ಅನ್ನು ಖರೀದಿಸಿ ಉದ್ಯೋಗವನ್ನು ಆರಂಭಿಸಿದ್ದಾರೆ.ಇದಕ್ಕೆ ಅವರ ಕುಟುಂಬದ ಸಹಕಾರದೊಂದಿಗೆ ಉದ್ಯೋಗವನ್ನು ಆರಂಭಿಸಿ ತಮ್ಮ ಆರ್ಥಿಕ ಜೀವನವನ್ನು ಸುಧಾರಿಸಿಕೊಳ್ಳುತ್ತಿದ್ದಾರೆ.
ನಂತರ ಈ ಸಂಘವು ರಚನೆಯಾಗಿ ಒಂದು ವರ್ಷ ಆಯಿತಾ ಬಂದಿತು.ಇನ್ನುಳಿದ ಸದಸ್ಯರು ಬ್ಯಾಂಕ್ ಲೋನ್ ಗಾಗಿ ಮತ್ತೆ ಅರ್ಜಿ ಸಲ್ಲಿಸಿ ಲೋನ್ ಪಡೆದುಕೊಂಡು ಉದ್ಯೋಗ ಮಾಡಿ ತಮ್ಮ ಆರ್ಥಿಕ ಜೀವನವನ್ನು ಸುಧಾರಿಸಿಕೊಳ್ಳಲು ತೀರ್ಮಾನಿಸಿದ್ದಾರೆ.
ಇಷ್ಟೆಲ್ಲ ಸಹಕಾರ ನೀಡಿದ ಡೀಲ್ ಫೌಂಡೇಶನ್ ಸಂಸ್ಥೆ ಬಗ್ಗೆ ಸಂಘದ ಸದಸ್ಯರೆಲ್ಲರೂ ತಮ್ಮ ಅಭಿಪ್ರಾಯವನ್ನು ವ್ಯಕ್ತಪಡಿಸಿದ್ದಾರೆ.ಅದು ಮದುವೆಯಾದ ನಂತರ ಮಹಿಳೆಯರು ತಮ್ಮ ಮನೆಗಳಿಗೆ ಮಾತ್ರ ಸೀಮಿತ ರಾಗುತ್ತಾರೆ ಅವರಿಗೂ ದುಡಿದು ಆರ್ಥಿಕವಾಗಿ ಬೆಳವಣಿಗೆ ಹೊಂದಬೇಕು ಎಂಬ ಮನದಾಸೆ ಇರುತ್ತದೆ.ಅಂತಹ ಮಹಿಳೆಯರಲ್ಲಿ ನಮ್ಮ ಸಂಘದ ಸದಸ್ಯರು ಕೂಡ ಹೌದು.ಡೀಲ್ ಫೌಂಡೇಶನ್ ವತಿಯಿಂದ ರೇಖಾ ಅವರು ನಮ್ಮನ್ನು ಗುರುತಿಸಿ ಸ್ವಸಹಾಯ ಸಂಘವನ್ನು ರಚನೆ ಮಾಡಿ ತರಬೇತಿಗಳನ್ನು ನೀಡಿ ಎಲ್ಲ ಸೌಲಭ್ಯಗಳ ಮಾಹಿತಿಯನ್ನು ರೇಖಾ ಅವರು ನೀಡಿದರು. ಇದರಿಂದ ನಮ್ಮದು ಅಂತ ಸ್ವಲ್ಪ ಮಟ್ಟಿಗೆ ಆದರೂ ಉಳಿತಾಯವಾಗುತ್ತಿದೆ.ಮುಂದೆ ಯಾವುದಾದರೂ ಅಡಚಣೆಗಾಗಿ ಇದು ಅನುಕೂಲವಾಗುತ್ತದೆ. ನಮ್ಮದು ಅಂತ ಸ್ವಲ್ಪ ಹಣವಾದರೂ ಈ ಸಂಘದ ಉಳಿತಾಯದಿಂದ ಮೂಲಕ ಕೂಡಿಡುತ್ತಿದ್ದೇವೆ.ಜೊತೆಗೆ ಬ್ಯಾಂಕ್ ಲೋನ್ ತೆಗೆದುಕೊಂಡು ನಮ್ಮ ಆಸಕ್ತಿ ಉದ್ಯೋಗದಲ್ಲಿ ತೊಡಗುವಂತೆ ಡೀಲ್ ಫೌಂಡೇಶನ್ ಸಂಸ್ಥೆಯು ಮಾಡುತ್ತಿದೆ. ಮಹಿಳೆಯರು ಕೂಡ ಯಾವುದಕ್ಕೂ ಕಡಿಮೆ ಇಲ್ಲ ಎಂದು ಗುರುತಿಸಿಕೊಳ್ಳುವಂತೆ ಮಾಡಿದೆ, ಹೀಗೆ ಡೀಲ್ ಫೌಂಡೇಶನ್ ಸಂಸ್ಥೆಯು ಹೆಚ್ಚಿನ ಸಹಕಾರ ನೀಡಲಿ ಎಂದು ಕೇಳಿಕೊಳ್ಳುತ್ತಾ ಇಷ್ಟೆಲ್ಲ ಸಹಕಾರ ನೀಡಿದ ಡೀಲ್ ಫೌಂಡೇಶನ್ ಸಂಸ್ಥೆಗೂ ಹಾಗೂ ರೇಖಾ ಅವರಿಗೂ ಎಲ್ಲ ಸದಸ್ಯರ ಪರವಾಗಿ ಧನ್ಯವಾದಗಳು ಹೀಗೆ ಯಾವಾಗಲೂ ಚಿರಋಣಿಯಾಗಿರುತ್ತೇವೆ ಎಂದು ಸದಸ್ಯರಲ್ಲಿ ತಮ್ಮ ಮನದಾಳದ ಮಾತನ್ನು ಅರ್ಪಿಸಿದ್ದಾರೆ.
ಹೀಗೆ ಡೀಲ್ ಫೌಂಡೇಶನ್ ಸಂಸ್ಥೆಯು ವಿಕಲಚೇತನ ಮತ್ತು ಮಹಿಳೆಯರಿಗೆ ಅವರ ಆರ್ಥಿಕ ಜೀವನ ಸುಧಾರಣೆಯಾಗಿ ಈ ಸಮಾಜದಲ್ಲಿ ಗುರುತಿಸಿಕೊಳ್ಳುವಂತೆ ಆಗಲಿ ಎಂದು ಪ್ರತಿ ತಾಲೂಕಿನಲ್ಲಿಯೂ ಮಹಿಳೆಯರೊಡನೆ ಕಾರ್ಯನಿರ್ವಹಿಸುತ್ತಿದ್ದಾರೆ. ಹೀಗೆ ಡೀಲ್ ಫೌಂಡೇಶನ್ ಸಂಸ್ಥೆಯಿಂದ ಎಲ್ಲ ವಿಕಲಚೇತರು ಮತ್ತು ಮಹಿಳೆಯರು ತಾಲೂಕು ಮಟ್ಟದಲ್ಲಿ ಅಷ್ಟ್ಟೇ ಅಲ್ಲದೆ ಜಿಲ್ಲಾ ಮಟ್ಟದಲ್ಲಿ ಗುರಿಟಿಸಿಕೊಳ್ಳಬೇಕು ಎಂದು ಹಾರೈಸುತ್ತಿದ್ದಾರೆ.
ಈ ಬ್ಲಾಗ್ ಗೆ ಸಂಬಂಧಿಸಿದಂತೆ ಯಾವುದೇ ನಿರ್ದಿಷ್ಟ ಪ್ರಶ್ನೆಗಳಿದ್ದರೆ ಅಥವಾ ಯಾವುದೇ ಸಹಾಯಕ್ಕಾಗಿ Info@deal-foundation.com ನಲ್ಲಿ ತಿಳಿಸಿರಿ ಮತ್ತು ನಾವು ಮಾಡುವ ಕೆಲಸದ ಕುರಿತು ಇನ್ನಷ್ಟು ತಿಳಿದುಕೊಳ್ಳಲು www.deal-foundation ಗೆ ಲಾಗ್ ಇನ್ ಮಾಡಿ.
ಧನ್ಯವಾದಗಳು